Lët'z Refashion ass een neie Pop-Up Store an der Uewerstad, an deem verschidden Initiativen an Organisatiounen hir Second-Hand oder Upcycling Kleeder an Accessoiren verkafen. Niewt Kleeder aus Bamwoll an/oder mat Fairtrade-Zertifizéierung, ginn heiansdo och Bitz-Atelieren organiséiert, bei deenen d'Participanten selwer léiere kënnen, wéi si hir Kleeder retuschéiere kënnen fir dass se méi laang halen.

All Freideg kann ee mat senge Stoffer/Kleeder laanscht goen, fir se zesummen mat lokalen Designer an nei Kleeder ze verwandelen. De Lët’z Refashion Center ass een Deel vun der Rethink Your Clothes Campagne an ass vun der Caritas Lëtzebuerg opgebaut ginn, fir d'Bewosstsinn fir méi Nohaltegkeet am Fashion-Beräich ze stäerken.

De Buttëk as op vu Mëttwochs bis Freides vun 12 bis 18 Auer an Samsdes vun 10 bis 16 Auer