Lët'z Refashion ass een Buttek an der Uewerstad, an deem verschidden Initiativen an Organisatiounen hir Second-Hand oder Upcycling Kleeder an Accessoiren verkafen. Niewt Kleeder aus Bamwoll an/oder mat Fairtrade-Zertifizéierung, ginn heiansdo och Bitz-Atelieren organiséiert, bei deenen d'Participanten selwer léiere kënnen, wéi si hir Kleeder retuschéiere kënnen fir dass se méi laang halen. Retouchéieren, Upcycling, Kleeder selwer upassen, Ënnerstëtzung fir Bitz-, Broderie- an Heekelprojeten sinn all um Programm. Zum Beispill kann een all Freideg mat senge Stoffer/Kleeder laanscht goen, fir se zesumme mat lokalen Designer:innen an nei Kleeder ze verwandelen.

De Lët’z Refashion Center ass een Deel vun der Rethink Your Clothes Campagne, déi vun der „Direction de lacoopération au développement et de l’action humanitaire“ ënnerstëtzt gouf. De Buttek gouf vun der Caritas Lëtzebuerg opgebaut, fir d'Bewosstsinn fir méi Nohaltegkeet am Fashion-Beräich ze stäerken. D'Lët’z Refashion Team an d’Acteure vun enger méi nohalteger an ethescher Moud erwaarden dech an deem Geschäft voller Iwwerraschungen.

De Buttëk as op vu Dënschten bis Freides vun 12 bis 18 Auer an Samsdes vun 10 bis 16 Auer