Wann s du méi wëlls wëssen iwwert Länner a Südamerika, Afrika an Asien, da kuck an de Centre d'Information Tiers Monde. D'Bibliothéik huet eng grouss Auswiel u Saachbicher, Romaner an Zeitungen zu verschiddenen Themen. Du kanns dech zu engem bestëmmte Land informéieren, Romaner liesen aus der Perspektive vun indigene Schrëftsteller oder méi léieren zu den Theme Relatiounen tëschent Norden a Süden, Globaliséierung, Weltwirtschaft a nach villes méi. Ausserdeem hunn si och eng grouss Auswiel zu kulturellen Themen an Nohaltegkeet.