Akabo Buttek ass gegrënnt gi vun engem Lëtzebuerger, deen sech getraut huet ze dreemen: Karel Lambert ass den éischten Entrepreneur zu Lëtzebuerg, dee schonn 2014, wéi nohalteg Moud nach an de Kannerschong war, decidéiert huet fir nohalteg Fashion an d'Land ze bréngen. Spannend ass natierlech och d'Aart a Weis, wéi hien dat gemaach huet: an engem hippen "fashion bus", dee beléift Marken aus Däitschland, UK an aneren europäesche Länner ugebueden huet. Opgrond vun enger grousser Nofro, ass den Akabobus zu engem feste Standuert an der Stad ginn, nämlech an engem Buttek am Garer Quartier, wou Karel a säi Staff iech nohaltege Smart-Casual-Stil méi no bréngen.