Den Oekosoph ass eng Brasserie déi wonnerbar idyllesch am Pafendall direkt bei der Uelzecht läit, a ganz besonnesch am Summer gëtt et wéineg Platze wou een esou roueg a matzen am Grénge sëtze ka wéi op der Terrasse vum Oekosoph. Bei engem gudde Béier (selbstverständlech bio) an enger vum Lou senge Lëtzebuergeschen oder internationale Spezialitéiten (ahjo och déi sinn alleguer bio) léist sech d'Zäit gutt erëmkréien. Mee net just d'Tatsaach, dass alles op der Kaart Bio ass, hieft den Oekosoph besonnesch ervir, mee och dem Lou seng grouss Motivatioun fir ëmmer néi vegetaresch a vegan Kreatiounen ze entwerfen. An fir all déi déi gär ee gutt Stéck Fleesch hätten, ass den Oekosoph och bekannt fir säi Wëld aus de lëtzebuergesche Bëscher.