D’Myriam Bouvy, Proprietärin vun "de Kolibri" ass keen neit Gesiicht am Commerce vu Second-Hand Bicher. Si huet sech awer, nodeems d’Gemeng Steesel no engem “Tiers Lieu” gesicht huet, getraut de Schratt ze woen an hiren eegene Shop opzemaachen. Konkreet heescht „Tiers Lieu“ eng Plaz fir nei Léit kennenzeléieren. Dowéinst sollen divers Gesellschaftsspiller zur Verfügung stoen an Ausstellungen a Workshops, déi vu bis goe kënnen, organiséiert ginn. Ee richtegt Poterhaus also. Wat mat deem sozialen Aspekt Hand an Hand goe soll, ass dem Kolibri säi Café, deen ënnert anerem faitrade bio Kaffi a Kuch mat geschwënn och veganen a glutefräien Alternativen ubitt.

D'Zil vum Kolibri ass et och, Lëtzebuerger Kënschtler:innen an Initiative Siichtbarkeet ze verschafen. Sou fënnt een hei nieft de scho genannte Second Hand Bicher an dem Iessen déi verschiddenst Artikelen. Vun Deko aus Blummen a Glas, iwwer Material fir Zero Waste doheem ze praktizéiere bis hin zu Kleeder, Kosmetik a Bijou’en.

All d'Saachen am Kolibri gi mat strenge Krittären ausgesicht, soudass ee suergefräi do akafe kann.