Laang gouf der Jugend virgeworf si géif sech net fir Politik interesséieren an sech net asetze fir eng besser Gesellschaft. Dass dat net stëmmt, huet de grousse Streik am Mäerz 2019 mat iwwer 10.000 Leit gewisen. Entstanen aus de Klima-Protester déi hiren Ufank mam berüümte Schoulstreik vum Greta Thunberg virum schwedesche Parlament geholl hunn, ass Youth for Climate ganz nom Motto "Fight every crisis" eng staark Stëmm vun der Jugend am Kampf géint de Klimawandel.