Second-Hand Kleedung ass erëm beléift, Kaffi war schonn ëmmer beléift a Planzen huet jidderee vun eis gär an der Wunneng. D'Kombinatioun dovunner ass "Pilea", ee klénge feine Buttek dee gläichzäiteg och ee Café ass. Op een also lo op der Sich no neiem Gezei ass oder awer Loscht op ee Stéck Kuch an eng Taass Kaffi huet, am Pilea ass ee richteg. Kaffi & Kuch sinn natierlech och Bio. D'Cheffin Laure Cales huet laang am Ëmweltberäich geschafft a weess iwwert den Impakt vu Kleedung op d'Ëmwelt mee och op sozial Verhältnisser. Dofir hëlt hat sech och ëmmer gären Zäit fir ee Gespréich a weess vill Interessantes ze erzielen.