Mir kënnen et alleguer: Wann mir an de Supermarché akafe ginn, gëtt et wéineg Saachen déi net an iergendenger Form vu Verpackung stiechen. Genee esou voll wéi eis Akafstute sinn dono och eis Poubellestuten. Mee et geet och anescht: Am "Ouni" gëtt et alles wat ee brauch, an zwar wéi den Numm scho seet ouni Verpackungsdréck. Den "Ouni" ass d'Renaissance vun der gudder aller Epicerie wéi een se fréier an all Duerf kannt huet, an huet eng super Auswiel u biologësche Liewensmëttel an Haushaltswueren. An wien schonn ëmmer wollt ee mol an sengem Liewen säin eegent Geschäft hunn, dee kann am Ouni och Matbesëtzer ginn, well den Ouni eng Genossenschaft ass, dh zu 100% am Besëtz vu senge Genossenschaftsmemberen.